«Сирғали деҳқон бозори» АЖ Кузатув кенгашининг
2014 йилги фаолияти юзасидан
ҲИСОБОТИ:
«Сирғали деҳқон бозори» АЖ Кузатув кенгаши аъзолари сони 5 кишидан иборат
Б.А.Шамуратов - Сергели туман ҳокимининг ўринбосари
Р.А.Хакимов - Тошкент шаҳар Савдо Департаменти бошлиғи
биринчи ўринбосари
А.У.Арипов - Сергели туман Савдо Департаменти бошлиғи
Т.К.Комолов - «Тошбозорсавдо» уюшмаси бўлим бошлиғи
Н.Ч.Парманов - акциядор.
Жамият Кузатув кенгаши ўз фаолиятини «Акциядорлик жамиятлари ва акциядорлар хуқуқини химоя килиш» қонунининг 81, 82, 84ва 85 – моддаларига асосланган ҳолда олиб боради. Ушбу моддаларда Кузатув кенгаши хуқуқлари, мажбуриятлари ва иш юритиш тартиблари кўрсатилган.
Жамият Кузатув кенгаши ҳисобот йилида жами 8 маротаба ўз мажлисини ўтказди. Жамият директорининг ҳисобот йилидаги ҳар бир чорак якуни бўйича иши кузатиб борилди, жамият директорининг йиллик бизнес режасини амалга ошириш бўйича ҳисоботи таҳлил этиб борилди.
2014 йил якуни юзасидан ўтказилган акциядорларнинг навбатдаги умумий мажлисида, кўрсатиладиган хизмат турлари ҳақи миқдори ўзгариши асосида қабул қилинган «Даромадлар ва ҳаражатлар» сметасига ўзгартириш киритиш Кузатув кенгаши ваколатига киритилгани асосида, ҳар чорак якуни бўйича ўтказилган Кенгаш мажлисида кейинги чорак учун «Даромадлар ва ҳаражатлар» сметаси тасдиқланиб, уни бажарилиши таҳлил қилиниб борилди.
Кузатув кенгаши ўз ишида Ўзбекистон Республикаси Президентининг Фармонлари, Вазирлар Маҳкамасининг Қарорларига ва жамият Низомига таянган ҳолда, ўз иш фаолиятини ташкиллаштириб, жамият акциядорларининг Умумий йиғилиш қарорлари ижросини назорат қилиш ва ижросини таъминлаш бўйича барча лозим бўлган ишларни амалга оширди.
Жамият томонидан тадбиркорларга кўрсатиб борилаётган коммунал хизматлар, жамият балансидаги бино ва иншоотлар ижара ҳақи миқдори белгиланиб, Кузатув кенгаши томонидан қабул қилинган қарорлар ижроси кузатиб борилди.
Сўзимнинг охирида 2015 йилда жамиятимиз фаолиятида улкан ютуқлар тиламоқчиман.
Эътиборингиз учун рахмат.
Кузатув кенгаши аъзоси
